Ве информираме дека излезе од печат зборникот на документи „Руската колонија во Скопје (1920 – 1943)”, во редакција на д-р Ленина Жила и д-р Филип Петровски. Документите сведочат за времето кога руските бегалци – поединци и цели семејства – дошле во Македонија и нашле сигурно прибежиште на нашата територија.


Еден од основните мотиви за објавување на зборникот факсимилни документи „Руската колонија во Скопје (1920 – 1943)” е да воведе во науката голем број претходно непознати и неистражувани документи.
Рускиот и македонскиот народ имаат долги историски, духовни и културни врски. Руската заедница во Македонија во текот на годините се издигна на високо ниво и се одликува со видни поединци од областа на културата, уметноста, образованието, спортот и науката.
Зборникот ќе биде еден чекор напред и вовед во плодната научна соработка во иднина и воедно повод за нови конкретни културни активности во прилог на зацврстувањето на руско-македонско пријателство.

Извор:

ПУЛС24.МК

СИТЕЛ

ДРЖАВЕН АРХИВ

Извадок од текстот објавен на сајтот на ДАРМ

На 6 ноември 2015 година во 19:00 часот, во Музејот на македонската борба за државност и самостојност во Скопје, Државниот архив на Република Македонија во соработка со Амбасадата на Руската Федерација во Република Македонија, организира заедничка промоција на зборникот на документи „Руската колонија во Скопје (1920 – 1943)“.

Оваа публикација излезе од печат во септември 2015 година, а нејзини уредници и составувачи се д-р Филип Петровски, директор на Државниот архив на Република Македонија и д-р Ленина Жила, професор на Институтот за национална историја при Универзитетот „Св. Кирил и Методиј“ – Скопје.

Филип Петровски во разговор со рускиот амбасадор

За значењето и подготвувањето на овој зборник претседателот на Република Македонија г. Ѓорге Иванов го информира претседателот на Руската Федерација г. Владимир Путин, а предговор кон овој зборник односно обраќање кон читателите имаа г. Никола Попоски, министер за надворешни работи на Република Македонија и г. С. В. Лавров, министер за надворешни работи на Руската Федерација.

Во Зборникот се прикажани ретки и автентични документи, кои се однесуваат на руските граѓани дојдени во Македонија како резултат на трагичните настани од Граѓанската војна во Русија.

Руската заедница во Македонија со текот на годините се издигнала на високо ниво и се одликува со истакнати поединци од областа на културата, уметноста, образованието, спортот и науката.

Составувачите на овој зборник на документи имаа цел зборникот да послужи не само за научноистражувачки цели туку и да стане еден вид книга-спомен за руската емиграција.

На промоцијата на Зборникот свое обраќање имаа д-р Филип Петровски, директор на Државниот архив на Република Македонија; Н.Е. г. Олег Николаевич Шчербак, амбасадор на Руската Федерација во Република Македонија и Владимир Малинка – син на белиот емигрант Стефан Малинка.

Leave a Reply

Your email address will not be published.