ДИШЕЊЕТО НЕ Е ЛУКСУЗ – ТОВАРОТ ВРЗ ПАЦИЕНТИТЕ Е НЕПРИФАТЛИВ!
Како е можно лек кој е неопходна, доживотна терапија за илјадници граѓани со астма и ХОББ, преку ноќ да стане финансиски недостижен?
Новата листа на лекови, која стапи на сила пред два дена, донесе шокантно зголемување на партиципацијата за лекот „Фостер“ (формотерол + беклометазон) – од околу 300 денари на неверојатни 1080 денари! И тоа со специјалистички извештај и рецепт!
Дали некој во Министерството за здравство и Владата се запраша што ќе се случи со овие луѓе?
Дали ќе бидат принудени самоволно да ја прекинуваат терапијата?
Дали ќе се „штеди“ на вдишувања, со што ќе го загрозат сопственото здравје, само за да преживеат до крајот на месецот?
Дали ги терате граѓаните да чекаат критично влошување на состојбата и итна хоспитализација за да добијат помош, наместо да им овозможите превенција?
За пациентите со хронични белодробни заболувања, овој лек не е додаток во исхраната, ниту козметика – тој е средство за преживување. Правото на здив не смее да стане привилегија на оние со подлабок џеб!
Ме интересира:
-Врз која логика е направено ова драстично поскапување на товар на пациентот?
-Кој ја сноси одговорноста за ризикот од влошување на здравствената состојба на граѓаните кои нема да можат да си ја дозволат терапијата?
Здравјето не е пазарен материјал за штедење! Очекуваме итно ревидирање на оваа одлука и враќање на лекот во рамките на достапноста за секој пациент.
Првпат објавено на Facebook, 20.6.2026.