„Економски тигар“, „Швајцарија на Балканот“ и историски највисок животен стандард, како и раст! Секој ден нè бомбардираат со статистикa за тоа колку феноменално живееме, колку ни цветаат розите и каков невиден напредок бележиме.
А реалноста? Реалноста е да се молиш и да трепериш пред вратите на Онкологија – не само за терапија, туку за да не те вратат дома со зборовите „нема“.
Додека вие на прес-конференции се фалите со вашите измислени успеси, европски стандарди и „розов медиумски балон“, граѓаните го живеат хоророт наречен македонско здравство. Напредокот ви е толку голем што падот на најчувствителните категории луѓе го сведовте на чиста среќа и преживување од ден за ден.
Ама битно стандардот расте, нели? Важно е дека во вашите фотељи сè е во најдобар ред, додека онколошките пациенти и нивните семејства се оставени сами на себе да се борат со системот кој наместо да ги лечи, ги докрајчува.
Срамота е малку да се каже. Фалете се уште повеќе, ама реалноста одамна ве демантираше на најсуров можен начин.
Првпат објавено на Facebook, 6.8.2026.