Според информациите објавени во медиумите, десет млекарници со месеци пласирале производи што не ги исполнувале законските стандарди за квалитет и безбедност, додека граѓаните верувале дека купуваат исправни и контролирани производи. Ако инспекциските наоди го потврдат ова во целост, тогаш станува збор за сериозен удар врз довербата на потрошувачите и потенцијален ризик за јавното здравје.
Особено загрижува фактот што ваквата состојба, според објавените информации, траела со месеци. Тоа отвора прашања: Каде биле контролните механизми? Кој надгледувал? Зошто реакцијата не била порано?
Граѓаните имаат право да знаат кои се одговорните субјекти, какви неправилности се утврдени и какви мерки ќе бидат преземени. Не се доволни симболични казни и административни опомени. Потребни се максимални законски санкции, одземање лиценци таму каде што има основ и кривична одговорност за секој што свесно дозволил профитот да биде поважен од здравјето на луѓето.
Во правна држава, храната не смее да биде предмет на измама. Здравјето на граѓаните мора да биде апсолутен приоритет.
Првпат објавено на Facebook, 31.5.2026.