На 11 јануари 2018 беше донесен Законот за јазици во Собранието на Република Македонија. Гласаат во првото носење за него 69 пратеници.

Вечерта бев пред Собранието на протест и објавив видео во живо на Фејсбук. Истото одвај го најдов. Трагите се бришат. Сеќавањата бледнеат. Тоа ми се чини дека е и целта. Да заборавиме, да се помириме. Но, јас додека можам нема да се помирам со тоа дека Е УКРАДЕНА ДРЖАВАТА НА МАКЕДОНСКИОТ НАРОД. Подолу преобјавено видеото од тој ден. Погледајте го и размислете убаво до кога ќе прифаќаме се што ни сервира секоја ненародна власт?!

@filip.petrovski

11.1.2018 носење на законот за јазици. Почеток на предавството што резултираше со промена на името.

♬ original sound – Филип Петровски

Сега се подготвува можно укинување на Законот за јазиците од страна на Уставниот суд. Лично не верувам дека ќе се случи. Како и да е, мое да си го кажам моето мислење. Сум кажал што мислам повеќе пати и повторно ќе кажувам.

Во овој текст ќе приклучам два става кои во пресрет на одлуката на Уставниот суд, вредат да бидат запаметени.

Првото на Симона Груевска од Институтот за МАКЕДОНСКИ ЈАЗИК (сметам дека е и повеќе од релевантна со нејзиниот став). Има преку 100 референци од научен тип. 🔽

Прво, Македонците во Македонија не се етничка заедница, па Албанците да бидат втора., како што пишале во писмото албанските интелектуалци. Македонците се државотворен народ.

Второ, Охридскиот рамковен договор е целосно имплементиран во Уставот уште во 2001 година. Сѐ што е донесено подоцна, вклучително и Законот за употребата на јазиците („во духот на Охридскиот рамковен договор”), е надвор од него.

Трето, мислењето на Венецијанската комисија, како советодавно тело на Советот на Европа, мора да се почитува, ако сакаме да бидеме европска држава.

Четврто, не може јазик што не го разбираат 75 % од населението во Македонија да биде на исто рамниште со македонскиот. Невозможно е и државните институции ќе се блокираат.

Петто, не може „повредените чувства” на Албанците да бидат поважни и повредни од чувствата на Македонците.

Шесто, албанските интелектуалци треба да се засрамат од писмото што го потпишале, ако се вистински интелектуалци.

Седмо, сигурно им е многу тешко на ДУИ во опозиција, откако во 2001 ја нападнаа сопствената држава како терористи и потоа 23 години удобно си седеа во фотелјите на власт и знаеме што правеа. Сега се закануваат пак со војна, што значи мир во Македонија ќе има само ако терористите се на власт.

т.н. „Закон за јазици“ со кој, на истиот постоечки Устав, после 20 години, илегално и насилно се воведе противуставна ДВОЈАЗИЧНОСТ мора да биде поништен!

Од стручен аспект, формално-правните причини (без да навлегуваме во материјална расправа) се следниве:

1. Законот е прошверцуван во Собранието, спротивно на Деловникот, со фрлање на амандманите на опозицијата во корпа;

2. Законот го нема потребното квалифицирано 2/3 мнозинство кое го бара Уставот за регулирање на судски постапки;

3. Пробиени се преклузивните уставни и законски рокови за промулгација;

4. Указот за прогласување на „законот“ го нема потребниот врзан потпис на Претседателот на Републиката и е објавен во „Службен весник“ спротивно на закон (што е без преседан во досегашната наша уставно-правна историја);

5. Законот е спротивен на меѓународното право и на тоа укажува Венецијанската комисија (составена од експерти по уставно право) при Советот на Европа!

Оттука, УСТАВНИТЕ СУДИИ мора да покажат кредибилитет и правно знаење, а не да бидат уплашени пред налетот на необалистичките пискотници! Оти, како што вели професорот од Универзитетот во Гент – Ван Кенеген: „Па, каква корист имаме ние од судиите ако тие можат да бидат принудени да се сложат со незаконските барања на власта, која е парализирана од класна привилегираност и нема сили да ја скрши ‘кората од обичаи’, со цел да го модернизира и оплемени правниот систем“!?

*БОНУС: Во прилог, рецензиран научен труд со правна аргументација против овој скандалозен т.н. „закон“ (линк во коментар)…

#НемаПравдаНемаМир#СтопНаТиранијатаНаМалцинството